الناس إتنبح صوتها إرحل لا تعد
محاكمتك لازمة عاللي ورد
فى عهدك و بذات آخر الأمد
بتنقط شعبك بحقوقه بعدما
إستعملت ضده أسلحة محرمة
و سحبت الشرطة من وسطنا
بتحاول تساوم على كرسيك بأمننا
و تطلع تقول إنك ماشى كدة كدة
طب مين يصدق بعد كدبك كل دة
و تلعب يا تعلب على طيبة قلبنا
و بعدها تنتقم إنت و محسوبينك مننا
تأجروا بلطجية بجمال و حصنة
لجل مايفضوا الإعتصام و ينقضا
ده بعدك يا بعيد لازم ترحل
الميدان بيتنا لحد ما تتحاكموا
و بتلعب بعيش الناس و متفرعن
بتقامر و تراهن على إيه يا أرعن
دى مصر عاشت قبلك و هاتعيش بعدك
و عمرها ما وقفت على بطل من إللى قبلك
يبقى هاتقف عليك إنت و ولدك
خدعوك لما طبلولك و هاللولك
و أول ما تمشى مشانق يعلقولك
إرحل حالاً على مزبلة التاريخ جه دورك
كتبت فى 2011/2/7
ليست هناك تعليقات:
إرسال تعليق